Indarrean dagoen arautegiak bakoitzari eraketa eta funtzioak zehazten dituenez, Zuzendaritza Nagusiaren menpe hauek daude:

• Guardia Zibilaren Goi-kontseilua
• Guardia Zibilaren Kontseilua

Guardia Zibilaren Goi-kontseilua

Defentsa Ministroak, Barne Ministroak eta Guardia ZibilarenZuzendari Nagusiak kontsultatzeko eta aholkatzeko organo kolegiatua da; horregatik, Guardia Zibilaren Zuzendaritza Nagusiaren barne dago.

Guardia Zibilaren Goi-Kontseilua Guardia Zibilaren zerbitzu aktiboan dauden Ofizial Jeneral guztiek osatuko dute. Kontseiluaren bileretara joan daitezke Zuzendari Nagusiak egoera bakoitzerako deitzen dituen Guardia Zibilaren erreserban dauden Ofizial Jeneralak.

Guardia Zibilaren Zuzendari Nagusia joaten den Kontseiluaren bileren buru izango da.

Goi-Kontseiluari dagokio Defentsa Ministroari, Barne Ministroari eta Guardia Zibilaren Zuzendari Nagusiari laguntza eta aholkuak ematea aztertzeko eskatzen dituzten gaietan eta, bereziki, hauetan:

• Brigadako jeneraleko mailara igotzeko balorazioak egitea eta, horrela eskatzen badiote, hautaketazko igoera xede duten beste batzuk jakinaraztea.
• Hautaketazko igoereiburuzko balorazioen txostena egitea, Brigadako jeneraleko, Ofizialen Eskalako Teniente Koroneleko, Ofizial ondoko Nagusia eta Kabo Nagusiko mailara igotzeko prestakuntza-ikastaroetarako bertaratzeari buruz eta igoerarako ahalmen profesionalen ezagatik ez-gai dela behin betiko adierazpenari buruz.
• Kidegoaren kideei egiten dizkieten gobernu-espedienteetatik eratorritako zehapenak jartzeko txostenak egitea.
• Goresgailua emateko txostena egitea, legezkoa denean.
• Indarrean dauden xedapenek eskatzen duten egoera guztietan txostena ematea.
• Antzinatasunarengatiko igoerei buruzko ebaluazioen txostenak egitea.

Guardia Zibilaren Kontseilua

Barne Ministroa buru izanez, organo kolegiatua da. Hartan parte hartzen dute Guardia Zibilaren kideen eta Barne eta Defentsa Ministerioen ordezkariek, kideen baldintza profesionalak hobetzeko eta Instituzio honen funtzionamendua hobetzeko asmoz.

Honako hauek osatzen dute Guardia Zibilaren Kontseilua:

• Guardia Zibilaren kideen ordezkaritzan: Institutuaren kideek sufragio pertsonal, aske, zuzen eta isilekoan hautatu duten batzordekideak. Ordezkari hauen kopurua Eskaletan zehaztuko da: haietako bakoitzari batzordekide bat egokitzen zaio Kontseiluan eta bat gehiago Eskala horretan lanetan diharduten 6000 guardia zibileko..
• Estatuko Administrazio Orokorraren ordezkaritzan: Barne eta Defentsa Ministroek izendatu duten batzordekideak, Institutuaren kideek hautatu duten ordezkarien kopurua berdindu arte.

Guardia Zibilaren Kontseiluak  ahalmen hauek izango ditu:

• Gai hauek jakitea eta aldez aurretik entzuna izatea:

  • Guardia Zibilaren estatutu profesional eta erregimen zigortzailea jartzea edo aldatzea.

  • Lan baldintzak zehaztea.

  • Ordainsari-erregimena. 

  • Guardia Zibilaren irakaskuntzako programak eta prestakuntzako planak.

  • Baimenak, oporrak eta lizentzietako erregimena.

  • Osagarrizko gizarte aurreikuspeneko planak.

  • Guardia Zibilen aspektu sozial, profesional eta ekonomikoei eragiten dizkien gaiak.

• Jakinaraztea, aldez aurretik, gai horiei buruz legezko edo araudizko xedapenak.
• Hiru hilabeteko absentismo-indizeari, zerbitzu bitartean gertatutako istripuei eta lan-gaixotasun eta ondorioei, hilkortasun-indizeei buruzko estatistikak eta zioak ezagutzea, bai eta lan-baldintzei buruz egiten diren aldizkako edo berariazko ikerketak. 
• Guardia Zibilek langileen erregimenari, haien betebehar eta eskubideei, elkartzeko eskubidea erabiltzeari eta eragiten dizkien gizarte aspektuei buruz egindako proposamenak eta iradokizunak aztertzea eta balioestea. 
• Administrazioarekin batera lan egitea produktibitatea mantentzeko eta handitzeko neurriak ezar daitezen. 
• Langileentzako gizarte lanetako kudeaketan parte hartzea, dagokion araudiak horrela zehazten duenean. 
• Hiru hilez behin langileei buruzko politikaren gaineko informazioa jasotzea. 
• Lege eta xedapen orokorrek esleitzen dioten gainerakoak.