Atal honetan terroristak atxilotzeko eta arrisku handikoak diren operazioak egiteko bereziki prestatuta dauden guardia zibilei buruzko informazioa lor dezakezu. Zehazki, sorrera eta aurrekariak, eginkizuna, oinarrizko egitekoak, antolaketa eta eraketa, bai eta Ekintza Azkarreko Taldearen (GAR) lurraldeko hedapena ere.
Ekintza Azkarreko Taldea (GAR)
Sorrera eta Historia
Unitate honen aurrekariak 1978ko apirilean kokatu behar dira Jacako Mendiko eta Operazio Berezietako Eskola Militarrak prestatutako Terrorismo aurkako Landa-unitatea (UAR) sortu zenean –40 lagun inguru-. Unitate honetatik Terrorismo aurkako Landa-taldea (GAR) sortu zen 500 espezialista baino gehiagoz eta. zenbait izen eduki ondoren, gaurko Ekintza Azkarreko Taldea deitu zen (GAR).
1980ko otsailean GAR Euskal Herrian eta Nafarroan zabaltzen da ekintza terroristaren igoera jazartzeko. Izan ere, Guardia Zibilak landa-inguruan erakunde terroristen aurkako borrokan zituen gabeziak gainditu zituen.
Eginkizun orokorra
Eginkizun berezia:
- Terroristen aurkako borroka.
- Arrisku handikoak diren eta erantzun azkarra eskatzen duten operazioak burutzea
Lehentasunezko eginkizuna:
- ETAren terrorismoaren aurkako borroka Euskal Herriko eta Nafarroaren Lurraldeko Unitateari laguntza emanez bai eta Informazioko Zerbitzuaren Buruzagitzari ere
- Arrisku handikoak diren eta erantzun azkarra eskatzen duten operazioak burutzea Lurraldeko Unitateari laguntza emanez.
- Zuzendari Nagusiaren agindupean dagoen erretserba espezializatua da lurralde nazional eta kanpoan jarduteko, eginkizun bereziaren barne.
- NRBQ gaietan laguntza-unitatea
Besteak beste, GAR-rek BOSNIA I HERZEGOVINAn, KOSOVOn, AFGANISTANen, JERUSALENen, HAITIn, LIBANOn parte hartu du eginkizun hauek garatzen
Hauek dira GAR-ren egiteko bitxienak:
- Dispositibo operatibo erreaktiboak
- Gunea aztertzea
- Babesa eta Segurtasuna
- Ezkutalekuak
- Behatokiak
- Setioak
- Bizi diren lekuetako interbentzioa
Antolaketa eta eraketa
GAR Landa-ekintzako Unitatearen (UAR) menpean dago eta funtzionalki zerbitzua ematen duen Unitateekin erlazionatzen da, hain zuzen ere, Euskal Herriko eta Nafarroako Lurraldeko Unitateekin.
Buruzagitzan eta lau Konpainiatan . eratzen da. Buruzagitzen agindu-manduko eta laguntzako organoak daude; azken hauetan Prestakuntza-bulegoa aurkitzen da: Unitatearen kide guztien etengabeko prestakuntza mantentzeaz eta erabiltzeko doktrina egiteaz arduratzen da.
Konpainiek beti Euskal Herrian eta Nafarroan lan egiten dute, prestakuntza eta atsedenerako aldietako txandetan.
Ekintza Azkarreko Frakzioa (FAR) bereziki sortu zen Unitatea da, lurralde nazionalean eta kanpoan ezohiko zerbitzuak egiteko asmoz. Ohiko zerbitzutzat Taldeak Euskal Herrian eta Nafarroan terrorismoaren aurka borrokan egiten dituenak jotzen da.
Lurraldeko hedapena
GAR Logroñon kokatuta dago. Konpainiak, normalean, hiru euskal probintzietan eta Nafarroan kontzentratuta daude, Lurraldeko Unitateen Buruek eskatzen dituzten eginkizunetan laguntza emanez.
